Non o esquezas, todo ten sentido cando ti estás.
Grazas polo teu apoio.
Prezos: Socio 15€, non socio 18€, nen@s de balde ata 12 anos (incluidos).
Estas son as datas previstas, sempre dende Vigo, lembra que o prazo de reserva remata 15 días antes de cada data:
Cies:
· Xoves 19/06/2025
· Domingo 29/06/2025
· Domingo 06/07/2025
Ons:
· Domingo 13/07/2025
Desfrutemos do noso entorno natural con responsabilidade.
Grazas polo teu apoio.
Saúdos cordiais
Con motivo deste memorable Concerto, e en previsión de que os nosos socios poidan facelo coa súa butaca reservada, disporán gratuitamente de dúas entradas por socio, ata completar aforo.
A recollida das entradas só para socios, será: de luns a xoves de 18:00 h a 20:00 h, presencialmente nas oficinas da Asociación de Veciños, dende o 10 de marzo, ata o 2 de abril.
Este domingo 9 de marzo ás 19:00 h, temos unha nova cita coa comedia teatral, desta volta da man da compañía: TEATRO A CIVIDADE, que vainos facer máis felices se cabe, coa representación da súa obra: AMOR DIÑEIRO SAÚDE.
Acceso libre ata acadar aforo.
Anota ben => DOMINGO => comedia => escachar de risa.
Un ano máis imos celebrar o entroido nas instalacións da Asociación Veciñal de San Miguel de Oia; será o vindeiro martes 4 de marzo (festivo local), a partir das 18:00 h, contaremos coa animación do grupo “OCIO INFANTIL MÁIS QUE BRINCOS”, que van ter entretidos a tódolos peliqueiros. Haberá tres estupendos premios para a cativada, elixidos nun animado desfile de entroido no hexágono.
Por suposto, non faltarán orellas de carnaval de balde para toda a veciñanza que se acheguen a desfrutar deste día trouleiro.
Bo día.
Prégase encarecidamente a tódolos socios da Asociación Veciñal Socio-Cultura e Deportiva de San Miguel de Oia, a súa asistencia á ASEMBLEA XERAL ORDINARIA, convocada para o domingo 23/02/2025 no auditorio do Local Social, ás 10:30 h en primeira convocatoria, e ás 11:00 h en segunda.
ORDE DO DÍA:
• Lectura e se procede, aprobación da acta anterior.
• Balance do exercicio 2024.
• Orzamentos para o exercicio 2025.
• Memoria de actos e actividades.
• Expedientes abertos en infraestruturas da parroquia.
• Proxecto de humanización de Cesáreo Vázquez.
• Proxecto de modificación de Avd. Ricardo Mella.
• Altas e Baixas de socios.
• Rogos e preguntas.
A asemblea é a mellor canle de información, participación e motivación veciñal, queremos sentir un pobo unido. sen a vosa presencia, nada tería sentido.
grazas de antemán pola vosa colaboración e participación.
Os cativos poderán contarlles as súas Maxestades o ben que se portaron, para así ser merecedores dos agasallos que repartirán pola noite por tódalas casas de San Miguel de Oia.
A ilusión e a ledicia dos pequenos, é unha das meirandes motivacións para nós nestes senlleiros días.
Desexámosvos o mellor dos agasallos => Saúde, cariño, e moito tempo para desfrutalo.
E para rematar un día inesquecible, a Cantina ten preparada una máxica cea de reis, a partir das 21:00 h, cun delicioso menú especial, en bo ambiente e con música en directo (Reservar no tel: 638 04 63 09).
Grazas polo voso apoio.
Unha forte aperta da Directiva da AVV de San Miguel de Oia.
Temos unha boa nova => ábrese o período de inscrición para un obradoiro de baile para maiores de 65 anos. É unha actividade gratuíta, financiada polo Concello de Vigo, dentro do programa de Avellentamento Activo. Reserva xa a túa praza nas oficinas da Asociación de Veciños, de 18:00 h a 20:00 h, ou chamando ao teléfono 600 40 22 33.
Neste concertazo escoitaremos música do gran compositor internacional Óscar Navarro, dirixida por el mesmo, e cunha selección de músicos entre os que están algúns dos nosos compañeiros. Será unha inmellorable oportunidade de gozar dun espectáculo inesquecible.
As entradas pódense mercar en Ópera Prima ou na oficina da Agrupación Musical Lira hoxe mesmo, de 19:00 a 21:00 h, a un prezo de 10 €.
Aprenderás como darlle saída aos refugallos orgánicos que xeras na casa, obtendo un estupendo fertilizante natural para a horta e o xardín.
No mesmo acto, xa poderás facer a solicitude do teu propio composteiro.
Saúdos cordiais
Asociación Veciñal de San Miguel de Oia.
Agardámosvos, so precisades ganas de divertirvos, podedes vir con ou sen parella, malo será...
Este fin de semana no auditorio de San Miguel de Oia, en dúas sesións: sábado 16 ás 19:00 h e domingo 17 ás 18:00 h, a Agrupación Musical Lira, volve a sorprendernos cun gran concerto de luxo => SERAFÍN ZUBIRI E A BANDA DE MUSICA LIRA DE SAN MIGUEL DE OIA.
Non te quedes sen a túa entrada que podes adquirir nos puntos de venda indicados no carel.
Este sábado 9 de novembro ás 19:00 h, tes unha nova cita para gozar dunha marabillosa obra de teatro, da man da xenial directora Mónica Sueiro, dirixindo ao seu grupo: “NON SI? TEATRO”, que representará a obra: “FORESTAS”, con escenas dos bosques de William Shakespeare e Federico García Lorca.
Agardámoste coma sempre, con entrada libre ata acadar aforo.
E coma sempre, entrada libre de balde. Podes vir con ou sen parella, o único requisito é que veñas co desexo de pasalo ben.
E se ademais queres cear, podes reservar mesa e menú na Cantina, chamando ao tel: 638 04 63 09.
Este sábado 5 de outubro ás 19:30 h, gran evento musical no auditorio de San Miguel de Oia, coas actuacións de tres das mellores corais do momento:
· Coral Polifónica Ferrolá do Casino Tenis Club (A Coruña)
· Coral "Voces e Cordas" de Sobrado do Bispo (Ourense)
· Coral Polifónica Lira de San Miguel de Oia (Vigo)
Dende a Asociación Veciñal de San Miguel de Oia, queremos facer un chamamento especial a toda a veciñanza, para participar neste acto, apoiando aos rapaces e rapazas, mozos e mozas, que forman parte deste proxecto deportivo, e por suposto agradecer e darlle impulso a todo o equipo de colaboradores altruístas, que traballan incansablemente cada día con ilusión, para dar vida ao San Miguel Club de Fútbol.
Grazas polo voso apoio
